Framkvæmdastjóri SÞ tekur óvenjulegt skref
Setja bókamerki
Framkvæmdastjóri Sameinuðu þjóðanna, Antonio Guterres, skírskotaði til 99. greinar stofnsáttmála stofnunarinnar til að vara við yfirvofandi „mannúðar stórslysi“ og hvetja öryggisráð SÞ til að bregðast við ástandinu í Gasa. Þetta er aðeins í annað skiptið sem gripið hefur verið til greinarinnar.
Samkvæmt fréttastofu AP sagði Guterres í bréfi sínu til ráðsins, sem er skipað af 15 fulltrúum frá mismunandi löndum, að mannúðarkerfi Gasa væri að þrotum komið. Tveggja mánaða átök hafi valdið „hræðilegum þjáningum, eyðileggingu og þjóðaráfalli.“
Krafðist hann þess að óbreyttum borgurum yrði hlíft við frekari þjáningu.
„Alþjóðasamfélagið ber ábyrgð á því að beita öllum sínum áhrifum til að koma í veg fyrir frekari stigmögnun og binda enda á þessa krísu,“ sagði Guterres í bréfi sínu.
Telur ástandið ógna alþjóðaöryggi
Skref framkvæmdastjórans þykir mjög óvenjulegt, en afar sjaldgæft er að gripið sé til 99. greinar. Greinin kveður á um að framkvæmdastjóri SÞ megi upplýsa ráðið um mál sem hann telji ógna alþjóðlegum friði og öryggi.
Guterres, sem hefur gert ákall um tafarlaust vopnahlé síðan 18. október, segir ástandið á Gasasvæðinu ógna alþjóðaöryggi. Fram til þessa hefur ekki hefur tekist að samþykkja ályktun innan öryggisráðsins, þar sem vopnahlés er krafist á milli Ísrael og Hamas.
Fulltrúi Sameinuðu arabísku furstadæmanna í ráðinu deildi drögum að ályktun um tafarlaust vopnahlé í kjölfar bréfs Guterres.
Aðeins verið beitt einu sinni áður
Fimm lönd sitja varanlega í öryggisráði Sameinuðu þjóðanna: Kína, Rússland, Frakkland, Bretland og Bandaríkin og hafa þau öll neitunarvald.
Bandaríkin beittu því neitunarvaldi þann 18. október gegn ályktun sem hefði fordæmt árás Hamas á Ísrael ásamt því að kalla eftir hléi í baráttunni til að hleypa mannúðaraðstoð inn á Gasasvæðið. Tólf aðrir fulltrúar í ráðinu greiddu atkvæði með ályktuninni, en Rússland og Bretland sátu hjá.
Talsmaður Sameinuðu þjóðanna, segir aðeins eitt annað tilfelli þar sem gripið hafið verið til grein 99. í sáttmálanum. Það var árið 1971, þegar þáverandi framkvæmdastjóri stofnunarinnar, U Thant, lýsti yfir áhyggjum sínum á alþjóðaöryggi vegna ástandinu í Austur-Pakistan, nú Bangladesh.
Kæling hraunsins þykir skila góðum árangri
Vöruflutningavél brotlenti í Litháen
Rannsókn á menningarnæturmáli lokið
Heimildarmenn tala um hápólitískt drama
Þrír menn ruddust inn í íbúð í Vesturbænum
Sendi nektarmyndir af dreng sem hann passaði
Ekki hægt að slá gosið út af borðinu strax
Formaðurinn útilokar ekki undirritun í kvöld