Vill drög að loftslagssamningi í dag
Setja bókamerki
Al Jaber, forseti loftslagsráðstefnu Sameinuðu þjóðanna (COP28), hefur hvatt þjóðirnar sem þar koma saman til að ná samkomulagi. Viðræður hófust að nýju í morgun eftir hlé.
Samninganefndir hafa aðeins fjóra daga til að ná samkomulagi vegna notkunar á jarðefnaeldsneyti.
Þrátt fyrir að viðræðum á loftslagsráðstefnum Sameinuðu þjóðanna ljúki sjaldan á réttum tíma vonast Al Jaber til að ráðstefnunni í borginni Dúbaí ljúki klukkan 11 að staðartíma, eða kl. 7 að íslenskum tíma næsta þriðjudagsmorgun.
Ráðherrar eru staddir í borginni til að ná samkomulagi og vonast Jaber til að samninganefndir verði tilbúnar með samningsdrög í dag.
Þrátt fyrir mismunandi skoðanir um framtíð jarðefnaeldsneytis vonast Jaber til að sögulegt samkomulag muni nást í Sameinuðu arabísku furstadæmunum.
„Við eigum möguleika á því að koma á tímamótabreytingum,” sagði hann. „Við skulum ljúka þessu verkefni. Ég vil að þið takið skrefið upp á við og stígið út úr þægindarammanum,” sagði hann.
„Mikilvægt að hvíla viðbragðið“
Strandveiðar „efnahagsleg sóun“
Í þögn hjartans
Segir umsókn að ESB vera óvirka
Var að slitna frá bryggju sökum hvassviðris
Clinton fluttur á sjúkrahús