Bandaríkjamenn beittu neitunarvaldi gegn tillögu um tafarlaust vopnahléi á Gasa á fundi öryggisráðs Sameinuðu þjóðanna í gærkvöldi. 

Frétt af mbl.is

Kallar eftir tafarlausu vopnahléi

At­onio Guter­res, fram­kvæmda­stjóri Sam­einuðu þjóðanna, boðaði til neyðarfundar í öryggisráðinu og virkjaði 99. grein stofn­sátt­mála SÞ um að krefja ör­ygg­is­ráðið um viðbrögð við átök­un­um á Gasa­svæðinu. Þetta er aðeins í annað skiptið sem gripið hef­ur verið til grein­ar­inn­ar.

Þrettán af fimmtán fulltrúum studdu tillöguna. Eins og áður sagði beittu Bandaríkjamenn neitunarvaldi og Bretar sátu hjá. Fimm ríki hafa fast sæti í ráðinu auk neitunarvalds, það eru Bandaríkin, Bretland, Rússland, Frakkland og Kína. Tillagan var sett fram af Sameinuðu arabísku furstadæmunum með stuðningi 97 annarra þjóða.

Frétt af mbl.is

Ísland lýsir yfir stuðningi við ákvörðun Guterres

Kæmi í veg fyrir eyðileggingu Hamas

Sendinefnd Bandaríkjanna sagði að lausnin myndi leiða til þess að hryðjuverkasamtökin Hamas gætu „endurtekið það sem þeir gerðu 7.október“. 

Robert Wood, sem situr í sendinefnd Bandaríkjanna, sagði að lausnin væri „fjarri raunveruleikanum“ og að hún hefði ekki breytt ástandinu á Gasa. 

Robert Wood, sem situr í sendinefnd Bandaríkjanna, í öryggisráði Sameinuðu þjóðanna. AFP/Yuki Iwamura

Ísraelsmenn hrósuðu Bandaríkjamönnum fyrir að sitja hjá. Eli Cohen, utanríkisráðherra Ísrael, sagði að vopnahlé hefði komið í veg fyrir eyðingu Hamas sem hefði framið glæpi gegn mannkyninu. 

Hryðjuverkasamtökin Hamas og palestínsk stjórnvöld fordæmdu ákvörðun Bandaríkjamanna. Þau sögðu að ákvörðunin væri „bein þáttaka í þjóðarmorði“.

Árásir Ísraelsmanna á Gasa héldu áfram í dag. Talið er að um 17.500 hafi látist á svæðinu frá því að stríðið hófst 7. október. 

Vara við „óviðráðanlegri spengingu“

Íranar vöruðu við „óviðráðanlegri spengingu“ í ástandinu í Mið-Austurlöndum í kjölfar fundarins. 

Hossein Amir-Abdollahian, ut­an­rík­is­ráðherra Írans, kallaði einnig eftir því að Rafha-landamærin við Egyptaland yrðu opnuð tafarlaust til þess að hægt væri að senda mannúðaraðstoð til Gasa.

Amir-Abdollahian hrósaði Guter­res fyrir að virkja heimild 99. grein­ar stofn­sátt­mála stofn­un­ar­inn­ar. 

Árásir Ísraelsmanna á Gasa héldu áfram í dag. AFP/Mahmud Hams

Tengdar fréttir

Ísrael/Palestína

Þungt hugsi yfir ofbeldinu

• Konur og börn „næstum 70%“ látinna á Gasa
• Tvær árásir á ísraelska herstöð á sólarhring
• Fordæma árásir á ísraelska áhangendur
• Gera þarf grein fyrir reiðufé

» Fleiri tengdar fréttir

• 2 blogg um fréttina

Bloggað um fréttina

• Wilhelm Emilsson: Íran
• Jónatan Karlsson: Bandaríkin eru óumdeilanlega mesta hryðjuverkaríki jarðar.