Selenskí fagnar nýju upphafi Argentínu

Volodimír Selenskí, forseti Úkraínu, segist fagna nýju upphafi Argentínu.

Þetta sagði hann í færslu sem hann birti á samfélagsmiðlum eftir að hann var viðstaddur innsetningarathöfn Javie Milei í Beunos Aires. Hann tók við forsetaembætti Argentínu í dag.

Leitar að stuðningi

Selenskí er sagður leitast eftir stuðningi í baráttu Úkraínu við Rússland en þetta er fyrsta heimsókn hans til Argentínu frá því að stríðið milli Rússlands og Úkraínu braust út á síðasta ári. Hann hitti einnig leiðtoga Ekvador, Úrúgvæ og Paragvæ í dag.

„Ég er fullviss um að tvíhliða samstarf Úkraínu og Argentínu muni halda áfram að aukast,“ sagði Selenskí á samfélagsmiðlum.

Þá hafði hann jafnframt óskað Milei til hamingju í nóvember þegar niðurstöður forsetakosninganna lágu fyrir og þakkaði Argentínu fyrir skýran stuðning við Úkraínu.

• Blogga um frétt