Unnið er í kapphlaupi við tímann að ná samkomulagi á COP28 loftlagsráðstefnunni í Dúbaí um að minnka notkun á jarðefnaeldsneyti.

Frétt af mbl.is

Vill drög að loftslagssamningi í dag

Antonio Guterres, framkvæmdastjóri Sameinuðu þjóðanna, kallaði í dag eftir hámarks metnaði og hámarks sveigjanleika til að ná samkomulagi og samstöðu á meðal næstum 200 ríkja í heiminum um að draga úr notkun á jarðefnaeldsneyti.

„Við erum í kapphlaupi við tímann og það er kominn tími til að leggja ofurkapp á að semja í góðri trú,“ segir Guterres.

Sádi-Arabía, stærsti olíuútflytjandi heims, hefur hvatt aðildarríki sína til að greiða atkvæði gegn því að notkun á jarðefnaeldsneyti verði hætt í áföngum.

Frétt af mbl.is

Vilji til aðgerða á COP28

Guterres bauð upp á leið til málamiðlana og sagði að ákallið um aðgerðir þýði ekki að öll lönd verði að hætta jarðefnaeldsneyti í áföngum á sama tíma. Hann hvatti samningamenn til að leggja áherslu og að takast á við undirrót loftlagskreppunnar sem væri framleiðsla og notkun jarðefnaeldsneytis.

Án þess að nefna nein lönd á nafn kallaði Simon Stiell, yfirmaður loftslagsstofnunar Sameinuðu þjóðanna, á alla aðila til að fjarlægja „óþarfa taktíska hindrun“ sem getur komið í veg fyrir að samningur náist.

Tengdar fréttir

Loftslagsvá

Yfir 1.000 jöklar bráðnað í landinu

• „Við erum á leið til glötunar“
• Berjast áfram gegn hlýnun þrátt fyrir sigur Trumps
• Norsk losun ekki minni síðan 1990
• Norrænu ríkin verði að grípa til aðgerða

» Fleiri tengdar fréttir

• Blogga um frétt