Katrín Jakobsdóttir forsætisráðherra mun eiga tvíhliðafund með Volodimír Selenskí, forseta Úkraínu, í Ósló í dag.

Fyrst tekur forsætisráðherra þátt í leiðtogafundi Norðurlandanna með Selenskí en gestgjafi fundarins er Jonas Gahr Støre, forsætisráðherra Noregs.

Aðrir þátttakendur eru Mette Frederiksen, forsætisráðherra Danmerkur, Sauli Niinistö, forseti Finnlands, og Ulf Kristersson, forsætisráðherra Svíþjóðar.

Þetta kemur fram í tilkynningu frá Stjórnarráði Íslands.

Ræða áframhaldandi stuðning við Úkraínu

Á fundinum verður samstarf Norðurlanda í öryggis- og varnarmálum rætt sem og áframhaldandi stuðningur Norðurlandanna við Úkraínu. Um er að ræða annan leiðtogafund Norðurlandanna og Úkraínu á árinu en fyrri fundurinn var haldinn í Helsinki í maí.

Blaðamannafundur leiðtoganna verður í beinu streymi hér á mbl.is klukkan 12.15.

Tengdar fréttir

Rússland

Kínverjar og Rússar með heræfingar

• Rússar hugðust myrða þýskan forstjóra
• Banna starfsemi rússnesks fréttamiðils
• Sorgardagur í Kænugarði
• Kaupa þúsundir tonna af rússneskum ufsa frá Kína

» Fleiri tengdar fréttir

• Blogga um frétt