Sögulegt samkomulag náðist um að draga úr notkun jarðefnaeldsneytis á loftlagsráðstefnunni COP28 sem lauk í Dúbaí í Sameinuðu arabísku furstadæmunum á áttunda tímanum í morgun.

Frétt af mbl.is

COP28 „nálgast samkomulag“ á uppbótartíma

Sultan al-Jaber, forseti COP28, greindi frá því að drög að lokayfirlýsingu loftlagsráðstefnunnar hafi verið samþykkt og er þetta í fyrsta skipti sem finna má í yfirlýsingu frá COP-loftlagsráðstefnu þar sem ríki heims koma sér saman um að draga úr notkun jarðefnaeldsneytis.

Ekki eru þó allir á eitt sáttir með orðalag yfirlýsingarinnar en ákall hefur verið á meðal margra ríkja að stefnt skuli að útfösun jarðefnaeldsneytis.

Frétt af mbl.is

Forseti COP28 sagður afneita hlýnun jarðar

Kolefnishlutleysi fyrir árið 2050

„Við höfum grundvöll til að láta umbreytingarbreytingar gerast,“ sagði Sultan al-Jaber áður en samningurinn var samþykktur.

Í drögum samkomulagsins kemur fram að reynt verði að takmarka hlýnun jarðar við 1,5 gráðu og þannig verði hægt að ná kolefnishlutleysi fyrir árið 2050.

Þetta var 28. loftlagsráðstefna Sameinuðu þjóðanna og í ár var helsta deilumálið um að notkun á jarðefnaeldsneyti yrði hætt í áföngum eða „fasað út“ eins og margir hafa tekið til orða.

Ursula von der Leyen, for­seti fram­kvæmda­stjórn­ar Evr­ópu­sam­bands­ins, fagnar samkomulaginu.

„Mikilvægur hluti af þessum sögulega samningi er sannarlega gerður í Evrópu. Allur heimurinn samþykkti markmið okkar 2030, að þrefalda endurnýjanlega orku og tvöfalda orkunýtingu, bæði fyrir árið 2030,“ segir Leyen.

Tengdar fréttir

Loftslagsvá

Yfir 1.000 jöklar bráðnað í landinu

• „Við erum á leið til glötunar“
• Berjast áfram gegn hlýnun þrátt fyrir sigur Trumps
• Norsk losun ekki minni síðan 1990
• Norrænu ríkin verði að grípa til aðgerða

» Fleiri tengdar fréttir

• 1 blogg um fréttina

Bloggað um fréttina

• Wilhelm Emilsson: Breyting