Bjóða Úkraínu að hefja viðræður um aðild að ESB
Setja bókamerki
Leiðtogaráð Evrópusambandsins hefur samþykkt að bjóða Úkraínu og Moldóvu að hefja viðræður um aðild að ESB.
Að sögn talsmanns Charles Michel, forseta leiðtogaráðs ESB, var um einróma ákvörðun að ræða.
Í umfjöllun BBC segir að ákvörðunin hafi verið tekin á leiðtogafundi ESB í Brussel. Þá er Volodimír Selenskí, forseti Úkraínu, sagður hafa fagnað áfanganum sem sigri fyrir bæði Úkraínumenn og Evrópubúa.
„Þetta er sigur fyrir Úkraínu. Sigur fyrir alla Evrópu. Sigur sem hvetur, veitir innblástur og styrkir,“ sagði Selenskí í færslu sem hann birti á X-síðu sinni í kjölfar þess að ákvörðunin leit dagsins ljós.
Yfirgaf salinn
Ungverjar höfðu áður hótað að beita neitunarvaldi við ákvörðunina. Samkvæmt heimildum AFP-fréttaveitunnar samþykkti Viktor Orban, forsætisráðherra Ungverjalands, að yfirgefa salinn á meðan ákvörðunin var samþykkt.
Orban birti færslu á X í kjölfar þess að niðurstaðan var kunngjörð að um slæma ákvörðun hefði verið að ræða.
Rannsókn á menningarnæturmáli lokið
Unnið að hraunkælingu allan sólarhringinn
Dæla, kæla og verja mikilvæg mannvirki
Vöruflutningavél brotlenti í Litháen
Létu lofthræðsluna ekki á sig fá
Fundur hafinn hjá kennurum, ríki og sveitarfélögum
„Við vöknuðum við hljóð frá sprengingum“
Verkfalli lækna aflýst á síðustu stundu