Spænska lögreglan hefur handtekið fjórtán flugvallarstarfsmenn á Tenerife South-flugvellinum. Lagði lögregla enn fremur hald á þýfi að verðmæti 2 milljóna evra. 

AP-fréttaveitan greinir frá og segir lögreglu einnig hafa lagt hald á um 13 þúsund evrur í peningum. 

Um 20 aðrir starfsmenn á flugvellinum eru til rannsóknar vegna málsins. 

Árlega fara um 11 milljónir farþega í gegnum flugvöllinn, flestir hverjir eru Evrópubúar í sólarfríi. 

Íslendingar orðið fyrir barðinu á þjófunum

Spænska lögreglan hóf rannsókn á flugvellinum eftir að tilkynningum um að eitt og annað vantaði í farangur farþega tók að fjölga. Morgunblaðið og mbl.is hafa meðal annars fjallað um slíkar tilkynningar. Íslendingar hafa meðal annars orðið fyrir barðinu á þjófunum.

Frétt af mbl.is

Ræna verðmætum úr farangri

Frétt af k100.is

Svali varar við auknum stuldi úr ferðatöskum

Var grunur um að þjófnaðurinn ætti sér stað er verið væri að færa farangur um borð í vélarnar. 

Á meðal þess sem lögregla haldlagði voru 29 armbandsúr af dýrari gerðinni, 120 skartgripir, 22 farsímar og kynstrin öll af raftækjum. Grunur leikur á að þýfið hafi verið selt á netinu eða í verslanir. 

Tengdar fréttir

Tenerife

Eva Ruza tryllti lýðinn á Tenerife

• Birgitta Líf flúði gulu viðvörunina til Tenerife
• „Mínar uppáhaldsminningar eru eyjahoppin í Tælandi“
• Mari farin í verðskuldað frí til Tenerife
• Mari bauð forsetanum til Tenerife

» Fleiri tengdar fréttir

• Blogga um frétt