Aðstoð til Úkraínu: Ungverjar beittu neitunarvaldi
Setja bókamerki
Ungverjar beittu neitunarvaldi þegar leiðtogar Evrópusambandsins (ESB) kusu um 50 milljarða evra aðstoð til handa Úkraínu á fundi Evrópuráðsins í Brussel í gær. Nokkrum klukkustundum áður náðu þeir samkomulagi um að hefja aðildarviðræður við Úkraínu.
BBC greinir frá.
Vonast til að semja snemma á næsta ári
Viktor Orban, forsætisráðherra Ungverjalands, tilkynnti um ráðstöfun Ungverja að loknum viðræðunum í gær, skömmu eftir að leiðtogar ESB ákváðu að hefja aðildarviðræður við Úkraínu og Moldavíu og veita Georgíu stöðu umsækjanda.
„Samantekt á næturvaktinni: Neitunarvald fyrir aukafjárframlög til Úkraínu,“ sagði hann.
Leiðtogar ESB sögðu að samningaviðræður um aðstoð myndu hefjast að nýju snemma á næsta ári.
Mark Rutte, forsætisráðherra Hollands, sagði um andstöðu Orbans við aðstoðina til handa Úkraínu að enn væri tími til stefnu. „Úkraína er ekki uppiskroppa með fjármagn á næstu vikum.
26 ríki voru sammála. Ég er nokkuð viss um að við getum náð samningum snemma á næsta ári.“
Í lífshættu ef vestræn ríki aðstoða ekki áfram
Volodimír Selenskí, forseti Úkraínu, lýsti ákvörðun ESB um aðildarviðræður sem „sigri“.
Í síðustu viku varaði Olena, forsetafrú Úkraínu, við því í viðtali á BBC að Úkraínumenn væru í lífshættu ef vestræn ríki héldu ekki fjárhagslegum stuðningi sínum áfram.
Úkraína leitar einnig eftir samþykki á hjálparpakka frá Bandaríkjunum sem nemur 61 milljarði Bandaríkjadala. Ágreiningur ríkir milli demókrata og repúblikana á bandaríska þinginu um aðstoðina.
Veðurspáin mjög slæm: Ökumenn fari varlega
Máttu ekki auglýsa „mesta úrvalið“ og „besta verðið“
Fjallvegir á Vestfjörðum og víða um land á óvissustigi
Hvetja fólk til að huga að niðurföllum
Leiðindaveður yfir jólahátíðina
JBT Marel muni einblína á tekjusamlegð
Gular viðvaranir í dag og á morgun
„Nánast aftakaveður þegar hryðjurnar ganga yfir“