Giuliani greiðir tæpar 150 milljónir dala
Setja bókamerki
Rudy Giuliani, fyrrverandi lögmaður Donalds Trumps, þarf að greiða starfsmönnum á kjörstað í Georgíuríki um 148 milljónir bandaríkjadala fyrir að hafa rýrt mannorð þeirra eftir forsetakosningarnar árið 2020. Upphæðin nemur 20 milljörðum króna.
Alríkisdómari komst að þeirri niðurstöðu í ágúst að Giuliani hefði rýrt mannorð starfsmannanna þegar hann sakaði þá um að hafa talið rangt upp úr kjörkössunum. Starfsmennirnir tveir unnu á kjörstað í Atlanta í forsetakosningunum árið 2020.
Átta manna kviðdómur í Washington í Bandaríkjunum var skipaður til þess að ákveða þá upphæð sem Giuliani yrði að greiða í bætur vegna ærumeiðinganna.
Líkti þeim við eiturlyfjasala
Málareksturinn tengist þeirri atburðarás sem fór af stað í kjölfar forsetakosninganna í Bandaríkjunum 2020 þegar Biden hafði betur en Trump.
Trump og stuðningsmenn hans, þar á meðal Giuliani, héldu því fram í fjölmiðlum að ranglega hefði verið talið upp úr kjörkössum og að niðurstaðan hefði í raun ekki verið sú að Biden hefði unnið.
Nafngreindi Giuliani starfsmennina tvo, Ruby Freeman og Shaye Moss, sem eru svartar konur, og líkti þeim við eiturlyfjasala. Kallaði hann einnig eftir því að leitað yrði á heimili þeirra.
Lát hjóna í Neskaupstað: Ákæra gefin út
Alvarleg netárás á Wise
Þetta eru ráðherrar ríkisstjórnarinnar
Skattamál verði líklega „þeirra mesta klemma“
„Tímabil aukinnar eldvirkni“
Fyrsti blaðamannafundurinn í heild sinni
„Mér finnst gamla Samfylkingin komin aftur“
Víkingar komnir yfir 800 milljónir í greiðslur
