Ísraelskir hermenn drápu í dag þrjá gísla sem voru í haldi Hamas-hryðjuverkasamtakanna.

Í yfirlýsingu Ísraelshers segir að um mistök hafi verið að ræða og að hermennirnir hafi staðið í þeirri trú að gíslarnir væru „ógn“.

„Við bardaga í Shejaiya taldi ísraelski herinn fyrir mistök að þrír ísraelskir gíslar væru ógn. Fyrir vikið skutu hermennirnir í átt að þeim og voru þeir drepnir,“ segir í yfirlýsingunni.

Kemur einnig fram að herinn sjái eftir þessu dapurlega atviki.

Tveir gíslar voru nafngreindir, hétu þeir  Yotam Haim og Samer El-Talalqa. Báðir voru teknir í gíslingu þann 7. október.

Herinn hefur ekki birt nafn þriðja einstaklingsins að ósk aðstandenda.

Tengdar fréttir

Ísrael/Palestína

Sakar dómstólinn um gyðingahatur

• Samkynhneigðum og gyðingum sagt að vara sig í Berlín
• Yfir 200 börn hafa verið drepin í Líbanon
• Skólum lokað í Beirút
• Talsmaður Hisbollah drepinn

» Fleiri tengdar fréttir

• Blogga um frétt