Þekkt glæpagengi tengist hryðjuverkamáli

Samkvæmt heimildum danska ríkisútvarpsins, DR, eru tveir þeirra sem eru í haldi vegna hryðjuverkamálsins í Danmörku meðlimir í glæpagenginu Loyal to Familia.

Þetta er ekki í fyrsta skipti sem slík tengsl eru á milli glæpagengja og hryðjuverkasatarfsemi í Danmörku. Þegar ráðist var á Krudttønden, bænahús gyðinga, árið 2015, var einn hryðjuverkamannanna tengdur öðrum glæpahópum.

Einn lést í þeirri árás, og skotvopnið sem notað var í árásinni hafði verið stolið af glæpasamtökunum. Verið var að ferma (Bat Mitzva) í bænahúsinu þegar árásin var gerð.

Frétt af mbl.is

Þrír handteknir í Danmörku

Ekki búið að handsama alla

Danska öryggislögreglan, PET, lét ekki hafa mikið eftir sér í gær um umfangsmiklar aðgerðir sínar til að koma í veg fyrir hryðjuverkaárásir. Vitað er að sex eru nú í haldi vegna aðgerðanna. Enn er ekki búið að handsama alla grunaða.

Athygli vakti þó að öryggislögreglan hefði komist á snoðir um tengingar við hin útlægu glæpasamtök Loyal To Familia, við rannsókn málsins.

Frétt af mbl.is

Umfangsmikil lögregluaðgerð í Danmörku

Annað dæmi um slík tengsl er frá 2017. Þá var 26 ára karlmaður dæmdur fyrir að ganga til liðs við sveitir Íslamska ríkisins í Sýrlandi. Sagði hann sjálfur svo frá að hann hefði gerst þreyttur á glæpalíferninu í Loyal To Familia, og hefði leitað á önnur mið.

DR hefur heimildir fyrir því að margir félagsmenn Loyal To Familia hafi gengið til liðs við róttækan hóp íslamista, sem nefnist Hizb ut-Tahrir.

Eitruð blanda

Vitað er að fólk í glæpagengjum geta orðið þátttakendur í hryðjuverkum. Í fyrsta lagi geta þau útvegað vopn eða liðsinnt með öðrum hætti við framkvæmt hryðjuverka. Eins er vitað að margir hryðjuverkamenn eiga sér fortíð í glæpagengjum.

Sérfræðingur DR segir það gera fólk úr glæpagengjum sérstaklega hættulegt vera það að það er tilbúið að beita ofbeldi og á auðvelt með að komast yfir vopn. Ef svo viðkomandi verður svo róttækur í hugsun geti orðið til eitruð blanda.

Danskar leyniþjónustur hafa einmitt einbeitt sér að þessum tengslum milli glæpagengja og róttækra hópa í um áratug.

• Blogga um frétt