Tugþúsundir flýja miðhluta Gasa
Setja bókamerki
Um 150 þúsund Palestínumenn hafa nú verið neyddir til að flýja miðhluta Gasa þar sem ísraelskir hermenn sækja að flóttamannabúðum á svæðinu.
Frá þessu greina Sameinuðu þjóðirnar en vitni á svæðinu og vígamenn Hamas-hryðjuverkasamtakanna segja að skriðdrekar séu komnir að Bureij-flóttamannabúðunum.
Um 90 þúsund manns búa á svæðinu og talið er að rúmlega 60 þúsund hafi flúið þangað að auki frá öðrum svæðum á Gasa. Ísraelsher hefur nú skipað fólkinu að flýja suður til bæjarins Deir al-Balah.
Sameinuðu þjóðirnar segja það hins vegar ómögulegt sökum þess að þar sé mikill fjöldi flóttamanna og ógerningur að koma þar fleirum fyrir.
Í umfjöllun breska ríkisútvarpsins segir að Egyptar hafi lagt fram tillögu að vopnahléi í þremur liðum. Fulltrúar Hamas séu nú að fara yfir þær tillögur í Kaíró.
Alvarleg netárás á Wise
Barn lést í árásinni
Lyklaskipti í ráðuneytunum
Funda með þingflokkum
Beint: Ný ríkisstjórn tekin við völdum
Bjarni: „Útilokað að þetta geti gengið upp“
Hrikalegt að heyra fréttirnar
