Næstráðandi Hamas felldur í drónaárás
Setja bókamerki
Sex manns voru felldir í drónaárás Ísraels í Beirút, höfuðborg Líbanons, í dag, þar á meðal Saleh al-Aruri, næstráðandi Hamas-hryðjuverkasamtakanna. Mohammed Shtayyeh, forsætisráðherra Palestínu segist fordæma „morðið“.
Frá þessu greinar Hamas-samtökin en einnig heimildarfólk AFP-fréttaveitunnar. Heimildamaður AFP segir að Aruri hafi verið felldur ásamt lífvörðum sínum í árásinni. Á sjónvarpsstöð Hamas-hryðjuverkasamtakanna var einnig greint frá því fyrr í dag að Arudi hefði verið felldur í árás Ísraelsmanna.
Líbanskir miðlar hafa einnig greina frá því aðdrónaárásin hefði orðið á skrifstofuhúsnæðiHamas í úthverfi Beirut eftir þar sem fundur var haldinn á milli nokkurra palestínskra samtaka.
„Glæpur framinn af þekktum glæpamönnum“
Shtayyeh kallar drápið á Aruri „glæp framinn af þekktum glæpamönnum“ og varaði við „hættunni og afleiðingum sem gætu fylgt“ drápinu, segir í yfirlýsingu forsætisráðherrans.
Eins og kunnugt er framkvæmdu vígamenn Hamas-samtakanna umfangsmikla hryðjuverkaárás í Ísrael þann 7. október og drápu þar um 1.140 manns, óbreytta borgara að megni, samkvæmt talningu AFP. Þá tóku hryðjuverkamennirnir um 250 gísla. 129 eru enn í haldi Hamas.
Benjamín Netanjahú hefur heitað því að útrýma Hamas-samtökunum. Ísrael svaraði hryðjuverkaárásinni með gríðarmiklum hefndarárásum á Gasaströndina þar sem um rúmlega 22 þúsund manns hafa dáið, að megni til konur og börn, samkvæmt heilbrigðisyfirvöldum á Gasa, sem eru undir stjórn Hamas.
Hrikalegt að heyra fréttirnar
Bjarni: „Útilokað að þetta geti gengið upp“
„Börn heima sem maður myndi vilja hafa í skjóli“
Beint: Ný ríkisstjórn tekin við völdum
Fyrsti blaðamannafundurinn í heild sinni
Lát hjóna í Neskaupstað: Ákæra gefin út
„Mér finnst gamla Samfylkingin komin aftur“
