Ráðgjafi forseta Írans kennir Ísraelum og Bandaríkjamönnum um sprengingarnar tvær sem urðu 103 að bana í dag, skammt frá graf­hýsi Qa­sem So­leimani, æðsta her­for­ingja Írans. Bandaríkin segja sprengingarnar líkjast hryðjuverkaárásum ISIS.

Ráðgjafi Joe Bidens Bandaríkjaforseta sagði við blaðamenn fyrr í dag að sprengingarnar litu út fyrir að vera „hryðjuverkaárás, eins og ISIS hefur gert í gegnum tíðina“.

Írönsk stjórnvöld halda þó öðru fram. Mohammad Jamshidi, ráðgjafi forseta Írans skrifaði á X, áður Twitter: „Washington segir að Bandaríkin og Ísrael hafi ekki átt þátt í hryðjuverkaárásinni í Kerman í Íran. Í alvöru?“ 

„Misskiljið ekki. Ábyrgðin á þessum glæp liggur hjá Bandaríkjastjórn og síonistastjórnum og hryðjuverk eru bara tæki,“ bætti Jamshidi við.

Frétt af mbl.is

Tala látinna í Íran komin yfir hundrað

Afleiðingar mikillar spennu

Rahm­an Jalali, vara­héraðsstjóri Kerm­an-héraðs, seg­ir at­b­urðinn vera hryðju­verk. AFP frétta­veit­an grein­ir hins veg­ar frá því að spreng­ing­arn­ar tvær, sem fjallað er um sem „hryðju­verka­árás­ir“, séu í raun af­leiðing­ mik­ill­ar spennu í Miðaust­ur­lönd­um vegna átaka Ísra­els og Ham­as á Gasa.

Jafn­framt seg­ir á að sprengju­árás­irn­ar séu tengd­ar dróna­árás Ísra­els í Beirút, höfuðborg Líb­anons, sem fram­in var í gær. Sa­leh al-Ar­uri, næ­stráðandi Ham­as-hryðju­verka­sam­tak­anna, var meðal þeirra sex sem féllu í árás­inni. 

Frétt af mbl.is

Næstráðandi Hamas felldur í drónaárás

Tengdar fréttir

Ísrael/Palestína

Gera þarf grein fyrir reiðufé

• Vilja að Trump endi stríðið
• Þúsundir Ísraela mótmæla brottrekstri Gallants
• Varnarmálaráðherra Ísraels rekinn
• Ísrael rýfur öll tengsl við UNRWA

» Fleiri tengdar fréttir

Íran

ESB segir upplýsingar um flugskeyti áreiðanlegar

• Pezeshkian er nýr forseti Íran
• 35 handteknir á samkomu satanista
• Þórdís sendir engar samúðarkveðjur
• Þúsundir minnast Raisi á götum úti

» Fleiri tengdar fréttir

• Blogga um frétt