Kyrrsetja 170 Boeing 737 flugvélar
Setja bókamerki
Bandarísk flugmálayfirvöld (FAA) hafa ákveðið að kyrrsetja 170 Boeing 737 Max 9 vélar eftir að flugvél Alaska Airlines af sömu gerð þurfti að nauðlenda í gær í kjölfar þess að gluggi í farþegarýminu gaf sig og stórt gat myndaðist.
Krefst FAA „tafarlausrar skoðunar“ á vélunum áður en þær fara aftur í flug, segir í yfirlýsingu FAA.
Ætti skoðun á hverri flugvél að taka á bilinu fjórar til átta klukkustundir.
Í tísti Alaska Airlines segir að búið sé að skoða ríflega fjórðung Boeing 737 Max 9 flota flugfélagsins og að ekkert óeðlilegt hafi komið í ljós.
Verða flugvélarnar aftur teknar í notkun þegar skoðun er lokið.
Fjórar vélar af sömu gerð
Icelandair rekur fjórar flugvélar af sömu gerð. Vélarnar eru Kirkjufell, Langjökull, Hvítserkur og Baula.
Guðni Sigurðsson, upplýsingafulltrúi Icelandair, sagði við mbl.is fyrr í dag að félagið væri að afla sér upplýsinga og fylgdist vel með málinu.
Pútín reynir allt til að forðast aðra herkvaðningu
Þarf að koma til móts við ólíkar þarfir lækna
Hraun kemur úr þremur gígum: Virknin stöðug
Hópur fólks reyndi að komast að eldgosinu
Nýtt fangelsi í landi Stóra-Hrauns tilbúið 2028
Hótar Bretum og Bandaríkjamönnum
Hentugt gos fyrst gýs á annað borð