Fundu lausa bolta í Boeing-flugvélum

Flugfélagið United Airlines segir að það hafi fundið lausa bolta í hlerum nokkurra Boeing 737 Max 9 flugvéla við skoðanir síðustu daga. Ráðist var í úttekt vegna þess að hleri slíkrar flugvélar brotnaði af vél Alaska Airlines síðustu viku.

Banda­rísk flug­mála­yf­ir­völd ákváðu eft­ir þetta at­vik að kyrr­setja 171 Boeing 737 Max 9 vél­ar og kröfðust þau taf­ar­laus­ar skoðunar á vél­un­um.

CNBC greinir frá.

Frétt af mbl.is

Myndskeið: Dynkur heyrðist og súrefnisgrímur féllu niður

Eru með 79 vélar í flotanum

United Airlines er með 79 Max 9 vélar í flota sínum og er ekkert annað flugfélag með fleiri slíkar flugvélar.

„Frá því við hófum bráðabirgðaskoðanir á laugardaginn höfum við fundið tilvik sem virðast tengjast uppsetningarvandamálum í hlerunum – til dæmis bolta sem þurfti að herða frekar,“ sagði United Airlines í yfirlýsingu.

Segir fyrirtækið að þetta verði lagað og svo verði flugvélarnar klárar til að fljúga aftur.

Icelandair er með fjórar Boeing Max 9 vélar en þær eru ekki með sama búnað og tengist atviki Alaska Airlines. Því er ekki talin þörf á kyrrsetningu þeirra.

Frétt af mbl.is

Vélar Icelandair ekki kyrrsettar

• Blogga um frétt