Trump: Ef Evrópa sætir árás munum við ekki hjálpa
Setja bókamerki
Donald Trump, fyrrverandi forseti Bandaríkjanna og einn frambjóðenda Repúblikana í forvali fyrir forsetakosningar í landinu, er sagður hafa sagt að Bandaríkin myndu aldrei hjálpa Evrópu ef álfan sætti árás.
Þetta á hann meðal annars að hafa sagt við Ursulu von der Leyen, forseta framkvæmdastjórnar Evrópusambandsins, á efnahagsráðstefnunni í Davos í Sviss árið 2020.
Þetta segir Thierry Breton sem fer með málefni innri markaðar Evrópusambandsins í framkvæmdastjórn Evrópusambandsins en Guardian greinir frá.
Einnig á Trump að hafa sagt við sama tækifæri að Atlantshafsbandalagið (NATO) væri dautt og að Bandaríkin myndu ganga úr NATO.
Varaði við endurkomu Trump
„Þú þarft að átta þig á því að ef Evrópa sætir árás þá munum við aldrei koma og hjálpa ykkur,“ hefur Breton eftir Trump. „Atlantshafsbandalagið er dautt og við munum hætta í NATO“, hefur Breton eftir forsetanum fyrrverandi.
Trump hótaði oft á meðan hann sat á forsetastóli að Bandaríkin gengu úr NATO. Þá samsamaði hann sig gjarnan við Vladimír Pútín Rússlandsforseta, sem Trump á að hafa sagt að hafi beðið með að ráðast inn í Úkraínu þar til Trump lét af embætti.
Þá sagði Breton að orð forsetans fyrrverandi hafi verið sér vakning og varaði við endurkomu hans á hið pólitíska svið í valdamesta embætti heims.
Myndband: Hnúfubakar komu fjölskyldu á bát á óvart
„Þú ert bara orðin miðaldra kona“
/frimg/1/43/58/1435868.jpg)
Brimborg biðst velvirðingar
Hlutfallslega flestir fóru í Voga
Stafræna byltingin étur börnin sín
Engin tengsl virðast vera á milli drengjanna
„Björguðu lífi þessa fólks“