Eldgos hófst á Suwanose-eyju í suðvesturhluta Japans rétt eftir miðnætti á staðartíma.
Engar fregnir hafa borist af slysum á fólki og þá hafa ekki verið gefin út fyrirmæli um rýmingu. Um 50 manns búa á eyjunni.
Veðurstofa Japans hvatti fólk á svæðinu til þess að „forðast hættusvæði“.
Eldgosið varð við Otake-fjall og er hætta á að stórir steinar kastist upp í loftið í um tveggja kílómetra radíus frá gígnum.