Skotárásin í Uvalde: Lögregla brást
Setja bókamerki
Lögregla í Texas brást þegar byssumaður hóf skothríð í Robb-grunnskólanum í Uvalde í Texas og myrti 19 nemendur og tvo kennara í maí árið 2022.
Þetta kemur fram í nýrri skýrslu bandaríska dómsmálaráðuneytisins. Þar segir að lögregla hefði getað stöðvað skotárásina mun fyrr ef rétt hefði verið brugðist við.
Lögregla skaut að lokum byssumanninn til bana.
Settu sig í forgang yfir líf óbreyttra borgara
Tæplega 400 lögregluþjónar voru á vettvangi og yfirgnæfandi meirihluti þeirra var frá alríkislögreglunni og ríkislögreglunni í Texas. Mikil óreiða skapaðist þar sem ekki var ljóst hver stýrði aðgerðum og samkvæmt skýrslunni voru aðstæður ekki metnar á réttan hátt.
Það tók langan tíma fyrir lögreglu að átta sig á að um skotárás væri að ræða. Lögreglumenn biðu í meira en klukkustund fyrir utan skólastofur þar sem skotum var hleypt af.
Skotárásin var ein sú mannskæðasta í sögu Bandaríkjanna og lögregla í Uvalde hefur setið undir mikilli gagnrýni í kjölfar hennar.
Sagt er að lögreglu hafi mistekist í að forgangsraða björgun óbreyttra borgara fram yfir eigin öryggi. Háttsettir stjórnendur innan lögreglunar hafa verið látnir að taka poka sinn í kjölfarið.
Mistök lögreglu höfðu gríðarleg áhrif
Í stuttu máli má segja að viðbrögðin við hópslysinu í Robb Elementary School 24. maí 2022 hafi verið misheppnuð,“ segir í skýrslu dómsmálaráðuneytisins, sem er um 550 blaðsíður að lengd.
Þá segir að hægt hefði verið að koma í veg fyrir andlát ef lögregla hefði brugðist rétt við.
Árásarmaðurinn hleypti af um það bil 142 skotum inni í byggingunni og fékk að athafna sig innan veggja skólans í 77 mínútur áður en lögregla skaut á hann.
Rússar sagðir útvega N-Kóreu milljón olíutunnur
Hraun kemur úr þremur gígum: Virknin stöðug
Hópur fólks reyndi að komast að eldgosinu
Yfir 300 stæði fóru undir hraun
Nýtt fangelsi í landi Stóra-Hrauns tilbúið 2028
Fullvissa ferðamenn um að hér sé öruggt
Sólveig Anna furðar sig á aðferðum kennara