Flugfélagið Alaska Airlines greindi frá því í dag að það byggist við 150 milljóna dala fjárhagslegu höggi, sem jafngildir um 20 milljörðum kr., í kjölfar atviks sem varð fyrr í þessum mánuði þegar hleri í farþegarými Boeing 737 Max 9 gaf sig þegar vélin var nýlega farin í loftið.

Frétt af mbl.is

Segja Boeing hafa gert mistök við uppsetningu hlera

Vélin þurfti að nauðlenda en 177 farþegar voru um borð auk áhafnar og sakaði engan. Forráðamenn Alaska Airlines segja að draga þurfi úr umsvifum flugfélagsins á þessu ári.

Bandarísk flugmálayfirvöld ákváðu í kjölfarið að kyrrsetja 170 Boeing 737 Max 9-vélar svo hægt væri að skoða þær en vél Alaska Airlines er af sömu gerð. Í gær gáfu flugmálayfirvöld grænt ljós á að hægt væri að taka vélarnar aftur í notkun.

Frétt af mbl.is

Fundu marga lausa bolta í vélum Alaska Airlines

Alaska Airlines, sem er með 65 flugvélar sem urðu fyrir áhrifum af kyrrsetningunni, býst við að koma fyrstu flugvélinni aftur í notkun frá og með morgundeginum og að skoðunum á öllum vélum flugfélagsins verði lokið í næstu viku.

Tengdar fréttir

Boeing

Höfnuðu samningnum og samþykktu verkfall

• Boeing frestar flugprófunum á 777X-breiðþotu
• Boeing játar sök
• Samþykktu umdeildan launapakka
• Rannsaka hvort starfsmenn hafi falsað gögn

» Fleiri tengdar fréttir

• Blogga um frétt