Framlengja gæsluvarðhald yfir fréttaritaranum

Rússneskur dómstóll hefur ákveðið að framlengja enn á ný gæsluvarðhald yfir bandaríska fréttaritaranum Evan Gershkovich um tvo mánuði, eða til 30. mars.

Gershkovich hef­ur setið í rúss­nesku fang­elsi síðan í mars á síðasta ári.

Fréttaritarinn starfaði hjá bandaríska miðlinum Wall Street Journal (WSJ) og er hann kærður fyrir meintar njósnir. WSJ, bandaríska ríkið og Gershkovich hafna ásökunum alfarið.

Frétt af mbl.is

Framlengja gæsluvarðhald yfir Gershkovich

Haldið í alræmdu fangelsi

Gershkovich starfaði sem frétta­rit­ari í Moskvu fyr­ir WSJ og hélt áfram að segja frétt­ir frá land­inu eft­ir að Rúss­land hóf inn­rás­ina í Úkraínu.

Gershkovich er fyrsti vest­ræni frétta­rit­ar­inn síðan á Sov­ét­ár­un­um sem hef­ur verið ásakaður fyr­ir njósn­ir og hef­ur hann setið í hinu al­ræmda Lefortovo-fang­elsi, en fang­elsið er sagt halda föng­um sín­um í nær al­gjörri ein­angr­un.

Frétt af mbl.is

Blaðamaður handtekinn af Rússum fyrir njósnir

• 1 blogg um fréttina

Bloggað um fréttina

• Ágúst Kárason: Blaðamaðurinn Julian Assange