Banda­rísk­ar her­sveit­ir eyðilögðu flug­skeyti Húta sem stefndi á Rauðahaf, nokkr­um klukku­stund­um eft­ir að Hút­ar hæfðu breskt ol­íu­skip á Aden-flóa.

Aðgerðastjórn­stöð Banda­ríkja­hers (CENTCOM) sagði aðgerðina hafa verið gerða í sjálfs­vörn þar sem flug­skeytið var til­búið til að fara á loft.

„Sveit­ir gerðu árás og eyðilögðu flug­skeytið í sjálfs­vörn,“ sagði í yf­ir­lýs­ingu CENTCOM.

Frétt af mbl.is

Í ljós­um log­um eft­ir árás: Her­skip kom­in til hjálp­ar

„Árás­in varð til þess að skipið brann“

Breska ol­íu­skipið Marlin Luanda varð fyr­ir flug­skeyta­árás Húta í gær­kvöldi.

„Árás­in varð til þess að skipið brann,“ sagði talsmaður víga­hóps­ins, Ya­hya Saree.

Her­skip komu ol­íu­skip­inu til aðstoðar og eru all­ir skip­verj­ar sagðir óhultir.

Hút­ar eru studd­ir af klerka­stjórn­inni í Íran og segj­ast með árás­um sín­um vera að styðja málstað Palestínu­manna á Gasa í stríði Ísra­els og hryðju­verka­sam­tak­anna Ham­as.

Frétt af mbl.is

Hverj­ir eru Hút­ar?

Banda­rísk­ar og bresk­ar her­sveit­ir hafa hafið sam­eig­in­leg­ar árás­ir til að draga úr getu Húta til að miða á skip sem sigla um helstu viðskipta­leið Rauðahafs.

Tengd­ar frétt­ir

Jemen

Skutu niður flug­skeyti og dróna frá Jemen

• Rúss­ar ráða jem­enska skæru­liða til sín
• Á fimmta tug fór­ust þegar tveim­ur bát­um hvolfdi
• Grískt flutn­inga­skip sæt­ir árás­um á Rauðahafi
• Gerðu enn aðra loft­árás á Jemen

» Fleiri tengd­ar frétt­ir

• Blogga um frétt