Kanada og Ástralía frysta fjárveitingar til SÞ
Setja bókamerki
Ástralía og Kanada hafa fryst fjárveitingar til stofnunar á vegum Sameinuðu þjóðanna (SÞ) sem aðstoðar palestínska flóttamenn.
Löndin fylgja fordæmi Bandaríkjanna sem frysti fjárveitingar til stofnunarinnar í gær eftir að grunur vaknaði um að einhverjir starfsmenn stofnunarinnar hafi átt þátt í árás Hamas á Ísrael 7. október síðastliðinn.
Verulegt áhyggjuefni
Utanríkisráðherra Ástralíu, Penny Wong, sagði í gær að grunsemdirnar væru verulegt áhyggjuefni og að verið væri að ræða málin innbyrðis um hvort frysta ætti fjárveitingar til samtakanna.
Þá hrósaði hún stofnuninni fyrir skjót viðbrögð og fyrir að hafa sagt upp þeim starfsmönnum sem liggja undir grun.
Ahmed Hussen, ráðherra í ríkisstjórn Kanada sem fer fyrir alþjóðaþróun landsins, segir Kanada taka þessum ásökunum af mikilli alvöru og gerir ráð fyrir því að stofnun Sameinuðu þjóðanna muni bregðast við með viðeigandi hætti, skyldi grunurinn vera á rökum reistur.
Lofaði aðgerðum
Yfirmaður stofnunarinnar, Philippe Lazzarini, hefur lofað aðgerðum og að draga hina ábyrgu fyrir dóm.
Þá lofaði framkvæmdastjóri Sameinuðu þjóðanna, Antonio Guterres, að framkvæma áríðandi og yfirgripsmikla rannsókn á vegum óháðra aðila.
Fullvissa ferðamenn um að hér sé öruggt
Mjög alvarlegt ef Njarðvíkuræð gefur sig
Yfir 300 stæði fóru undir hraun
Börn hafi engan rétt á leikskólakennslu
„Erum í miðri hrinu“: Styttist í Eldvörp
Hraunið við bílastæði Bláa lónsins
Maskína: Framsókn í fallbaráttu