Biðlar til ríkja að tryggja starfsemina
Setja bókamerki
Antonio Guterres, framkvæmdastjóri Sameinuðu þjóðanna, biðlar til ríkja sem veita fjármagn til Palestínuflóttamannahjálparinnar, UNRWA, að tryggja áframhaldandi starfsemi hennar.
Starfsmenn stofnunarinnar liggja undir grun um að hafa með einhverjum hætti átt aðild að árás Hamas-hryðjuverkasamtakanna á Ísrael 7. október.
Íslensk stjórnvöld hafa ákveðið að frysta frekari greiðslur til UNRWA þar til haft hefur verið samráð við önnur norræn ríki um næstu skref. Norðmenn ætla ekki að frysta greiðslur til stofnunarinnar.
Bandaríkin, Ástralía, Kanada, Bretland, Þýskaland og Finnland eru á meðal þeirra ríkja sem þegar hafa fryst fjárveitingar.
Eigi ekki að refsa þúsundum öðrum
UNRWA kveðst hafa rekið nokkra starfsmenn sem liggja undir grun. Israel Katz, utanríkisráðherra Ísraels, krefst afsagnar Philippes Lazzarini, forstöðumanns stofnunarinnar.
Guterres sagði að „andstyggilegt athæfi“ starfsfólksins ætti ekki að þýða að þúsundum öðrum sem vinna fyrir flóttamannahjálpina yrði refsað. Mæta þurfi brýnni þörf íbúa á Gasa fyrir mannúðaraðstoð.
„Þótt ég skilji áhyggjur þeirra – ég var sjálfur skelfingu lostinn yfir þessum ásökunum – þá biðla ég eindregið til ríkisstjórna sem hafa stöðvað framlög sín til að tryggja samfellu í aðgerðum UNRWA,“ sagði Guterres í yfirlýsingu í gærkvöldi.
Fjarlægja auglýsingu eftir notkun á lagi Cyrus
Flugritarnir fundnir
Ekið á gangandi vegfaranda í Reykjavík
Börnin eiga að ýta við foreldrum sínum
Átta flokkar næðu inn
Falskur fyrirvari á auglýsingum Höllu
Myndskeið: „Gríðarleg slysahætta af þessu“
Háir tollar á vörur frá Mexíkó, Kanada og Kína
