„Ég myndi alls ekki fljúga Max-flugvél“
Setja bókamerki
Bandarísku flugfélögin Alaska Airlines og United Airlines hófu um síðustu helgi að fljúga sumum af Boeing Max 9-flugvélum sínum.
Bandarísk flugmálayfirvöld kyrrsettu 170 flugvélar af þessari tegund eftir að hleri fór af Max 9-vél Alaska Airlines í háloftunum. Í síðustu vikur gáfu þau grænt ljós á að hægt væri að taka vélarnar aftur í notkun.
Þrátt fyrir þetta græna ljós telja sumir enn rétt að hafa varann á þegar kemur að Max-vélum en tvær slíkar af tegundinni Max 9 hröpuðu árin 2018 og 2019 þar sem 346 manns fórust.
„Ég myndi alls ekki fljúga Max-flugvél,” sagði Ed Pierson, fyrrverandi framkvæmdastjóri hjá Boeing, í samtali við LA Times.
„Ég hef unnið í verksmiðjunni þar sem þær voru smíðaðar og ég sá þrýstinginn sem starfsmennirnir voru undir til að koma flugvélunum í snatri út um hurðina. Ég reyndi að stöðva þau fyrir fyrsta flugslysið,” sagði hann.
„Ég myndi segja fjölskyldunni að forðast Max. Ég myndi segja öllum það, í raun og veru,” sagði Joe Jacobsen, fyrrverandi verkfræðingur hjá Boeing og bandarískum flugmálayfirvöldum.
Sérfræðingar í flugöryggi hafa bent á að atvikið þegar hlerinn fór af vél Alaska Airlines sé eingöngu nýjasta dæmið um djúpstæðari vandamál hjá Boeing. Þörf sé á breytingu hvað varðar menninguna innan fyrirtækisins.
Pierson sagði endurkomu Max 9 í háloftin vera „enn eitt dæmið um lélega ákvarðanatöku og hún setur öryggi almennings í hættu”.
Myndir: Grindavíkurvegur aftur undir hraun
„Erum í miðri hrinu“: Styttist í Eldvörp
Þórarinn: Tafir á höfuðborgarsvæðinu ekki minni
Erlendir miðlar greina frá tíunda gosinu
Átti ekki að láta pirring bitna á sjúklingi
Mæðgur dæmdar til að greiða 64 milljónir
Maskína: Framsókn í fallbaráttu