Biden refsar landnemum á Vesturbakkanum
Setja bókamerki
Joe Biden Bandaríkjaforseti hyggst beita refsiaðgerðum gegn fjórum landnemum sem eru sakaðir um að ráðast á Palestínumenn á Vesturbakkanum.
Í dag undirritaði forsetinn tilskipun þar sem kom fram að ofbeldi á Vesturbakkanum hefði náð „óbærilegu“ magni.
Refsiaðgerðirnar munu koma í veg fyrir að landnemarnir geti ferðast til Bandaríkjanna og eigi í viðskiptum við bandarísk fyrirtæki.
Fjórir eru beittir refsiaðgerðunum í dag en búast má við fleiri tilkynningum um slíkt á næstunni, að sögn talsmanna Bidens sem ræddu við New York Times um refsiaðgerðirnar.
Miðillinn greinir frá því að Palestínumenn auk margra sérfræðinga hafi um hríð bent á að ísraelsk stjórnvöld hafi leyft landnemum, sem oft eru vopnaðir, að starfa óáreittum á Vesturbakkanum.
Mun færri Arabar í Bandaríkjunum styðja Biden
Biden hefur sætt gagnrýni að undanförnu vegna stuðnings Bandaríkjanna við Ísrael í stríðinu á Gasaströndinni, meðal annars frá Demókrötum – sínum eigin flokksmönnum.
Bandarískir ráðamenn segjast óttast að árásir landnema á Palestínumenn á Vesturbakkanum geti aukið enn á ofbeldið og gert ástandið enn verra.
Biden hyggst einmitt heimsækja Michigan-ríki á næstu dögum, en þar býr fjöldi Araba sem hefur gagnrýnt stuðning Bidens við Ísrael. Meðal Araba hefur stuðningur við Biden hríðfallið frá síðustu forsetakosningum, úr 59% til 17% samkvæmt skoðanakönnun frá því í fyrra.
Benjamin Netanjahú, forsætisráðherra Ísraels, hefur svarað refsiaðgerðunum Bidens með því að segja að langflestir landnemar á Vesturbakkanum væru „löghlýðnir borgarar“.
Í desember skrifaði Biden undir vegabréfsáritunarbann er snerti tugi ísraelskra landnema sem höfðu framið ofbeldisverk á Vesturbakkanum.
/frimg/1/52/74/1527458.jpg)
Trump kominn með 294 kjörmenn
Fordæma árásir á ísraelska áhangendur
„Áhugavert að sjá skjálfta þarna“
Deiliskipulag úr gildi
Einn á slysadeild eftir hópslagsmál
Oddvitaviðtöl í Reykjavík suður