Rússar vilja að öryggisráð SÞ komi saman
Setja bókamerki
Rússnesk stjórnvöld hafa óskað eftir fundi í öryggisráði Sameinuðu þjóðanna (SÞ) í ljósi árása Bandaríkjamanna í Írak og Sýrlandi.
„Rétt í þessu kröfðumst við fundar í öryggisráði Sameinuðu þjóðanna vegna ógnarinnar sem stafar af árásum Bandaríkjamanna í Sýrlandi og Írak,“ sagði í færslu Dmítrí Polyanskí, erindreka Rússa hjá SÞ, á samfélagsmiðlum.
Hamas fordæmir árásirnar
Þá hafa hryðjuverkasamtökin Hamas fordæmt árásir Bandaríkjamanna í Írak og Sýrlandi í nótt og segja að bandarísk stjórnvöld hafi ausið „olíu á eldinn“ í Mið-Austurlöndum.
Bandaríkjaher hæfði alls sjö staði í loftárásum sínum á íranska byltingarvörðinn og vígasveitir honum tengdar í gærkvöldi. Árásin var svar við drónaárás á herstöð Bandaríkjamanna í Jórdaníu síðustu helgi, þar sem þrír bandarískir hermenn voru felldir.
Hamas segja í yfirlýsingu að Bandaríkjamenn beri ábyrgð á „afleiðingum þessarar hrottalegu árásar gegn Írak og Sýrlandi, sem ausa olíu á eldinn.“
„Við staðfestum að hvorki verður stöðugleiki né friður á svæðinu [Mið-Austurlöndum] nema með því að stöðva árásir síonista [Ísraelsmanna] og þjóðarmorð og þjóðernishreinsun gegn íbúum okkar á Gasaströndinni,“ segir enn fremur í yfirlýsingunni.
Írakar segja óbreytta borgara hafa fallið
Fjögur skotmörk sem Bandaríkin hæfðu eru í Sýrlandi og þrjú í Írak. Alls var skotið á 85 skotmörk og notaði herinn í það minnsta 125 sprengjur.
Að minnsta kosti 23 vígamenn sem [aðhylltust] Íran í Sýrlandi féllu, að sögn sýrlensku mannréttindavaktarinnar.
Í Írak féllu 16 manns, þar á meðal óbreyttir borgarar, að sögn stjórnvalda í Bagdad.
Bandaríkin orðið fyrir fjölda árása
Hersveitir Bandaríkjamanna og bandamanna þeirra hafa orðið fyrir meira en 165 árásum í Írak, Sýrlandi og Jórdaníu frá því um miðjan október, eftir að stríð braust út á Gasaströndinni í kjölfar árásar Hamas-samtakanna á Ísrael.
Árásin leiddi til dauða yfir 1.160 Ísraelsmanna, aðallega almennra borgara, samkvæmt talningu fréttaveitunnar AFP, sem byggir er á opinberum tölum frá Ísrael.
Ísraelar hófu því árásir á Gasa og hafa að minnsta kosti 27.238 manns fallið í árásunum, flestir þeirra konur, börn og unglingar, samkvæmt upplýsingum frá heilbrigðisráðuneyti Hamas-samtakanna.
„Ég mun drepa þig og fjölskyldu þína“
Auglýsingarnar áhyggjuefni
Eðlilegt að framkvæmdir kosti meira í dag
Björguðu manni undan Gróttu
Erfiðara að vernda Bláa lónið í nýju gosi
Þrjú lömb urðu dýrbít að bráð og líklega fleiri
/frimg/1/50/23/1502370.jpg)
Yfir 17 gráður fyrir klukkan sjö í morgun