Hútar heita hefndum eftir árás Bandaríkjanna

Hútar, vopnaður hópur uppreisnarmanna í Jemen, hafa heitið hefndum vegna loftárása bandarískra og breskra stjórnvalda á Jemen í gærkvöld, sem beindust meðal annars að Sanaa, höfuðborg landsins en þar fara Hútar með völd.

Frétt af mbl.is

Gerðu enn aðra loftárás á Jemen

Hútar lýstu því yfir í dag að loftárásir Bandaríkjamanna og Breta muni ekki leggja þá að velli og lofuðu hefndum. Loftárásir voru gerðar á tugi skotmarka og greindu Bandaríkjamenn og Bretar frá þeim í sameiginlegri yfirlýsingu í gær.

Þriðja árásin gegn Hútum

Bandaríkjamenn hafa þá einnig gert fjölda loftárása á svæðum tengdum Íran í Írak og Sýrlandi vegna drónaárásar sem þrír bandarískir hermenn féllu í á herstöð í Jórdaníu.

Frétt af mbl.is

Íranar fordæma árásina en lofa ekki hefndum

Í gær réðust breskar og bandarískar hersveitir í þriðja skiptið gegn Hútum en Hútar hófu árásir fyrst til þess að sýna samstöðu með Palestínumönnum á Gasasvæðinu. Bandaríkjamenn hafa þá einir staðið að árásum gegn jemenskum uppreisnarhópum en árásir þeirra fyrrnefndu halda áfram á Rauðahafinu.

Lloyd Austin, varnarmálaráðherra Bandaríkjanna, sagði í yfirlýsingu að loftárásirnar hafi verið til þess að stugga við hersveitum Húta, sem Íranar styðja, til þess að „binda enda á hrottalegar árásir þeirra“.

Hermaður Húta í Jemen gengur yfir fána Bandaríkjanna og Ísrael. AFP

• Blogga um frétt