Rannsókn leiðir í ljós grimmilegt ofbeldi
Setja bókamerki
Síðustu fjóra mánuði hafa ísraelskar hersveitir beitt palestínskt fólk grimmilegu ofbeldi á hernumda Vesturbakkanum á sama tíma og heimsbyggðin fylgist með ástandinu á Gasasvæðinu.
Þetta kemur fram í tilkynningu frá Amnesty International þar sem fjallað er um rannsókn mannréttindasamtakanna.
„Hersveitir hafa drepið palestínskt fólk með ólögmætum hætti, meðal annars með óhóflegri og ónauðsynlegri valdbeitingu gegn mótmælendum og við handtöku ásamt því að neita særðu fólki um læknisaðstoð,” segir í tilkynningunni þar sem vitnað er í rannsóknina.
„Amnesty International rannsakaði fjögur tilvik sem eru lýsandi fyrir ólögmæta og banvæna valdbeitingu ísraelska hersins. Þrjú þessara tilvika áttu sér stað í október og eitt í nóvember. Í þessum fjórum tilvikum létust 20 palestínskir einstaklingar, þar á meðal sjö börn,” segir þar einnig.
Fram kemur að rannsakendur hafi tekið viðtöl við 12 manns, þar af tíu vitni sem voru m.a. fyrstu viðbragðsaðilar eða íbúar á svæðinu. Tækni- og rannsóknarstofa Amnesty International, Crisis Evidence Lab, hafi sannreynt 19 myndbönd og fjórar myndir í tengslum við þessi fjögur tilvik.
Óformlegt eftirlit vegna hryðjuverka
„Það var ekki dæmt löglegt að mismuna börnum“
Ekkert ferðaveður á Vestfjörðum og á Norðurlandi
Selenskí: N-Kórea heyir stríð í Evrópu
Vetrarblæðinga vart í Öxnadal
Appelsínugular og gular viðvaranir í dag
„Áhugavert að sjá skjálfta þarna“