Rússneskar hersveitir hafa gert tilraunir til árása nýverið vestan borgarinnar Avdívku eftir að úkraínskar hersveitir yfirgáfu borgina að sögn Dimítró Lykhoviy, talsmanns úkraínskra hersveita á svæðinu.

Úkraínski herinn neyddist til að yfirgefa borgina að því er tilkynnt var í gær. Selenskí Úkraínuforseti sagði þá aðgerðina hafa verið nauðsynlega til þess að bjarga úkraínsku þjóðinni.

Reyna að auka á forskotið

„Óvinur okkar er að reyna að auka á forskotið,“ sagði Lykhoviy í sjónvarpsviðtali í dag. Rússar hafi reynt að gera fjórtán árásir í þorpinu Lastochkyne, um tveimur kílómetrum vestur af norðurhluta Avdívku í dag. 

„En hersveitir okkar stöðvuðu þær,“ sagði hann. Þá sagði hann að Rússar hafi einnig reynt að gera árásir nærri þorpunum Robotyne og Verbove í suðurhluta Saporitsíja-héraðs. Þær hafi mistekist.

Saporitsíja-hérað er eitt fárra landsvæða sem Úkraína hefur aftur náð á sitt band en Dmítró sagði að erfitt yrði fyrir rússneskar hersveitir að ráðast þar inn vegna þéttrar varnarlínu úkraínska hersveita og staðhátta.

Tengdar fréttir

Úkraína

Segir að Rússar séu að nota Úkraínu sem tilraunasvæði

• Skutu langdrægri eldflaug í átt að Úkraínu
• Vinaþjóðir Úkraínu kyndi undir „sálfræðihernað“ Rússa
• Fordæma ákvörðun um jarðsprengjur
• „Hlægilegar“ ásakanir um skemmdarverk

» Fleiri tengdar fréttir

• Blogga um frétt