Vísa ásökunum ekkjunnar á bug
Setja bókamerki
Rússnesk stjórnvöld hafa vísað á bug ásökunum ekkju stjórnarandstöðuleiðtogans Alexeis Navalní, sem lést í fangelsi í síðustu viku, um að Vladimír Pútín Rússlandsforseti standi á bak við dauða hans.
„Að sjálfsögðu eru þetta ruddalegar ásakanir sem eru algjörlega úr lausu lofti gripnar gegn yfirmanni rússneska ríkisins. En ef ég tek með í reikninginn að Júlía Navalnaja varð ekkja fyrir nokkrum dögum síðan ætla ég ekki að tjá mig frekar,” sagði Dmitrí Peskov, talsmaður Kremlar.
Peskov vísaði einnig á bug kröfu Evrópusambandsins um „alþjóðlega rannsókn” á dauða Navalnís eftir að Navalnaja ræddi við Josep Borrell, utanríkismálastjóra Evrópusambandsins.
„Við hlustum ekki á slíkar kröfur almennt séð, hvað þá frá herra Borrell,” sagði Peskov.
Spurður út í þann fjölda fólks sem hefur verið handtekinn á minningarathöfnum um Navalní síðustu daga sagði Peskov að lögreglan væri einfaldlega að framfylgja lögum.
Fyrsti blaðamannafundurinn í heild sinni
Var engin kristnitaka árið 1000?
Forstjóri bendir á ábyrgð birgja vegna verðhækkana
Alvarleg netárás á Wise
Ný ríkisstjórn kynnt á morgun
Funda með þingflokkum
Ók á hóp fólks á jólamarkaði: Einn látinn
Skattamál verði líklega „þeirra mesta klemma“
