Fyrirskipa athugun á skrúfboltum í MAX-vélum
Setja bókamerki
Flugmálayfirvöld í Bandaríkjunum hafa fyrirskipað öllum flugfélögum sem hafa í flota sínum Boeing-vélar af gerðinni 737 MAX, MAX 8-200 og MAX 9 að kanna sérstaklega hvort skrúfboltar í hliðarstýri flugvélanna séu lausir.
Eftilitsaðilar óttast að boltar og skinnur gætu dottið úr vélinni á flugi séu þeir ekki nægjanlega festir. Kunnugir segja að umræddir boltar séu tengdir fótstigi flugmanna og hafi áhrif á getu þeirra til að stjórna vélinni.
Ekki festir aftur
Tilskipunin kemur í kjölfar þess að flugmálayfirvöld í Bandaríkjunum settu sérstaka áherslu á að skoða hvort skrúfboltar væru festir í Boeing-vélum í kjölfar atviks í flugi Alaska Airlines.
Í því tilviki féll hleri af vélinni á meðan hún var í miðju flugi. Rannsókn benti til þess að skrúfboltar hefðu verið fjarlægðir í verksmiðju Boeing og svo ekki festir aftur.
Boeing lagðist í sérstakt átak til að kanna festingu skrúfbolta á vélum fyrirtækisins í kjölfar atviksins hjá Alaska Airlines. Af 1.400 vélum kom í ljós að boltar í hliðarstýri voru lausir í einu tilviki.
Icelandair er með fjórar MAX 9-vélar í flota sínum.
Mjög alvarlegt ef Njarðvíkuræð gefur sig
Myndir: Grindavíkurvegur aftur undir hraun
Þórarinn: Tafir á höfuðborgarsvæðinu ekki minni
Átti ekki að láta pirring bitna á sjúklingi
„Erum í miðri hrinu“: Styttist í Eldvörp
Búseta skortir byggingarlóðir
Hraunið við bílastæði Bláa lónsins