Liðsmaður bandaríska flughersins kveikti í sér fyrir utan sendiráð Ísraels í Washington, höfuðborg Bandaríkjanna, í gær.
Embættismenn greindu frá þessu en fjölmiðlar sögðu manninn hafa með þessu viljað mótmæla stríðinu á Gasasvæðinu.
Atvikið gerðist klukkan 13 að staðartíma, eða klukkan 18 að íslenskum tíma.
Þegar viðbragðsaðilar komu á vettvang höfðu liðsmenn bandarísku leyniþjónustunnar slökkt eldinn.
Maðurinn var fluttur á sjúkrahús alvarlega slasaður, að sögn slökkviliðsins í borginni.