Engar áætlanir eru uppi hjá Atlantshafsbandalaginu, NATO, um að senda hermenn til Úkraínu til að berjast á jörðu niðri.

Embættismaður bandalagsins greindi frá þessu.

Emmanuel Macron Frakklandsforseti sagðist ekki vilja útiloka slíkan hernað í ræðu sem hann hélt í gær.

Frétt af mbl.is

Útilokar ekki að senda hermenn til Úkraínu

„NATO og bandalagsríki útvega stuðning sem ekki á sér fordæmi til að hjálpa Úkraínu,” sagði embættismaðurinn, sem vildi ekki láta nafns síns getið.

„En það eru engar áætlanir uppi hjá NATO um að senda hermenn til að berjast á jörðu niðri í Úkraínu,” bætti hann við.

Frétt af mbl.is

Sjá ekki fyrir sér að senda hermenn til Úkraínu

Talsmaður forsætisráðherra Breta hafði sömu sögu að segja á blaðamannafundi í morgun. 

„Bretland er nú þegar með lítinn mannskap í landinu sem styður við úkraínska hermenn, þar á meðal vegna þjálfunar í tengslum við læknisaðstoð,” sagði talsmaður Rishi Sunak.

„Við höfum engar áætlanir um að flytja þangað hermenn í stórum stíl,” bætti hann við.

Tengdar fréttir

Úkraína

Norðurkóreskir hermenn drepnir í stríði Rússa

• Sammála um að koma þurfi á „varanlegum friði“
• Norðurkóreskir hermenn felldir í Evrópu
• Ákærður, fundinn sekur og myrtur
• ESB í hart við Kínverja og N-Kóreu

» Fleiri tengdar fréttir

• Blogga um frétt