Borgarstarfsmenn fengu tvöföld mánaðarlaun

Um 30 þúsund borgarstarfsmönnum í Zurich í Sviss brá vafalítið í brún er þeir skoðuðu bankareikninginn sinn á mánudaginn því þeir fengu mánaðarlaunin sín greidd tvívegis.

Í yfirlýsingu fjármáladeildar borgarinnar kom fram að þetta hefði gerst vegna „tæknilegrar villu”.

Alls voru 175 milljónir svissneskra franka fyrir mistök greiddar út, sem jafngildir um 27,5 milljörðum króna.

Cantonal-bankinn í Zurich hefur beðist afsökunar á málinu, sem var sagt eiga rætur að rekja til hugbúnaðar.

„Starfsmenn Zurich-borgar eru skyldugir til að endurgreiða upphæðina,“ sagði fjármáladeild borgarinnar, þar sem kom fram að fyrirkomulagið verði einfaldað til þess að allt gangi snurðulaust fyrir sig.

• 1 blogg um fréttina

Bloggað um fréttina

• Landfari: Hæsraréttardómarar endurgreiða ekki