Evrópuþingið segir að Vladimír Pútín Rússlandsforseti beri glæpsamlega og pólitíska ábyrgð á dauða rússneska stjórnarandstöðuleiðtogans Alexei Navalnís.

Navalní, einn harðasti gagnrýnandi Pútíns, lést í fangelsi þann 16. þessa mánaðar við óljósar aðstæður en leiðtogar Evrópusambandsins hafa kennt Pútin um dauða hans sem og eiginkona og fjölskylda.

Frétt af mbl.is

Navalní jarðaður á föstudag

„Rússneska ríkisstjórnin og Vladímír Pútín bera persónulega glæpsamlega og pólitíska ábyrgð á dauða áberandi andstæðings þeirra, Alexei Navalnís,“ segir í ályktun Evrópuþingsins en 506 af þeim 705 sem sitja á þinginu greiddu atkvæði með ályktuninni. Aðeins níu greiddu á móti.

Að auki óskaði Evrópuþingið eftir því að 27 aðildarríki ESB efli stuðning við rússneska pólitíska fanga og haldi áfram að styðja lýðræðislega stjórnarandstöðu í Rússlandi.

Navalní verður jarðsunginn í suðurhluta Moskvu á morgun en yfirvöld afhentu loks móður Navalnís lík hans á laugardaginn.

Frétt af mbl.is

Samþykkja umfangsmiklar refsiaðgerðir gegn Rússum

Rússnesk yfirvöld hafa þverneitað fyrir það að bera ábyrgð á dauða Navalnís en þau segja að hann hafi látist af eðlilegum orsökum eftir að hann missti meðvitund eftir gönguferð í fanganýlendunni á norðurslóðum.

Tengdar fréttir

Al­ex­ei Navalní

Vill sjá Pútín á bak við lás og slá

• Vissi að hann myndi deyja í fangelsi
• Navalní átti að vera hluti af fangaskiptunum
• Rússar vilja handtaka ekkju Navalnís
• Handteknir fyrir að starfa fyrir teymi Navalnís

» Fleiri tengdar fréttir

• Blogga um frétt