Sendiherra Palestínu hjá Sameinuðu þjóðunum krefst þess að öryggisráð stofnunarinnar fordæmi atvikið á Gasasvæðinu í gær þegar Ísraelsher hóf skothríð á Palestínumenn sem ætluðu að fá úthlutað mat. 

Frétt af mbl.is

Segja yfir 100 drepna í skotárás Ísraela

Að sögn heilbrigðisráðuneytisins á Gasasvæðinu, sem Hamas-samtökin stjórna, voru 112 drepnir og 760 særðir.

„Öryggisráðið á að segja að nú sé nóg komið,” sagði Riyad Mansour við blaðamenn.

Töldu ógn stafa af fólkinu

Heimildarmaður Ísraela sagði hermenn hafa skotið á fólkið en að þeir hefðu talið að ógn stafaði af því.

Ísraelsher sagði troðning hafa orðið þegar þúsundir íbúa á Gasasvæðinu umkringdu 38 vörubíla sem voru að koma þangað með neyðargögn. Það hafi leitt til þess að tugir létust og særðust, þar á meðal lentu einhverjir undir vörubílum.

Palestínumenn standa hjá líki eins þeirra sem var skotinn til bana af Ísraelsher. AFP

Kínversk stjórnvöld hafa fordæmt atvikið, ásamt meðal annars Emmanuel Macron Frakklandsforseta, Antonio Guterres, framkvæmdastjóra Sameinuðu þjóðanna, og Josep Borrell, utanríkismálastjóra ESB.

Joe Biden Bandaríkjaforseti sagði atvikið flækja viðkvæmar samningaviðræður um vopnahlé í stríði Ísraelshers og Hamas á Gasasvæðinu, sem hefur staðið yfir í tæpa fimm mánuði. Hvíta húsið sagðist í yfirlýsingu hafa áhyggjur af því sem gerðist.

Tengdar fréttir

Ísrael/Palestína

Samkynhneigðum og gyðingum sagt að vara sig í Berlín

• Yfir 200 börn hafa verið drepin í Líbanon
• Skólum lokað í Beirút
• Talsmaður Hisbollah drepinn
• Grunaðir um að kasta blysum að heimili Netanjahús

» Fleiri tengdar fréttir

• Blogga um frétt