Svíþjóð gengur í NATO í dag

Í dag gengur Svíþjóð formlega í Atlantshafsbandalagið (NATO) og verður þar með 32. ríkið í bandalaginu.

Þetta eru tímamót fyrir Norðurlandaþjóðina en Svíþjóð hefur í um tvær aldir reynt að gæta hlutleysis til að styggja ekki Rússland.

Sænski forsætisráðherrann Ulf Kristersson er við þetta tilefni í höfuðborg Bandaríkjanna, Washington, og mun hann hitta Antony Blinken, utanríkisráðherra Bandaríkjanna, sem mun taka á móti skjölum þess efnis að Svíþjóð sé orðinn fullgildur meðlimur í NATO við hátíðlega athöfn.

Fáni Svíþjóðar verður svo dreginn að hún í Brussel á mánudag við höfuðstöðvar bandalagsins.

Rússar heita mótvægisaðgerðum

Rússar hafa heitið „mótvægisaðgerðum“ vegna inngöngu Svíþjóðar í NATO, sérstaklega ef hermenn og eignir bandalagsins koma sér fyrir í Svíþjóð.

Svíþjóð og Finnland hafa í gegnum tíðina forðast það að ganga formlega í NATO, sem stofnað var í kalda stríðinu til að sameinast gegn Sovétríkjunum.

En Finnland og Svíþjóð báðu um inngöngu eftir að Rússar réðust inn í Úkraínu árið 2022.

Gekk ekki snurðulaust fyrir sig

Finnland gekk í bandalagið með góðum árangri í apríl 2023 en tilraun Svía gekk ekki alveg jafn snurðulaust fyrir sig.

Fyrst var það bandalagsþjóðin Tyrkland sem sem hægði á inngöngunni og um leið og sú hindrun var yfirstaðin kom Viktor nokkur Orban til leiks, forsætisráðherra Ungverjalands.

Frétt af mbl.is

NATO-umsókn Svíþjóðar samþykkt í þingnefnd

Hann var tregur til að veita blessun sína en 26. febrúar kaus ungverska þingið með því að leyfa Svíþjóð að ganga í NATO. Með þeirri ákvörðun höfðu allar bandalagsþjóðir, 31 að tölu, gefið Svíþjóð blessun sína og þar með talið Ísland.

Frétt af mbl.is

Ungverjar samþykktu umsókn Svía

• Blogga um frétt