Bandaríkjaher með höfn við Gasasvæðið
Setja bókamerki
Bandaríkjaher verður með tímabundna höfn undan ströndum Gasasvæðisins til að flytja þangað hjálpargögn.
Joe Biden Bandaríkjaforseti greindi frá þessu í stefnuræðu sinni í nótt.
Forsetinn hvatti Ísraela til að hleypa aukinni aðstoð inn á svæðið en varði í leiðinni hernað þeirra gegn Hamas-samtökunum.
„Í kvöld ætla ég að biðja bandaríska herinn um að leiða leiðangur sem snýst um að búa til tímabundna höfn í Miðjarðarhafi undan ströndum Gasasvæðisins sem getur tekið á móti stórum sendingum með mat, vatn, lyf og tímabundin neyðarskýli,” sagði Biden í ræðu sinni.
„Með þessari tímabundu höfn verður hægt að stórauka magn hjálpargagna í mannúðarskyni á Gasasvæðið,” bætti hann við.
Forsetinn tók fram að bandarískt herlið myndi ekki stíga fæti á Gasasvæðið.
Bandaríkin hafa undanfarna daga látið hjálpargögn falla til jarðar á svæðið úr flugvélum í samstarfi við Ísrael.
Komu fólki til aðstoðar í Ísafjarðardjúpi
Pólverjar horfa í auknum mæli hingað til lands
„Skjálftaklessa á milli Grímseyjar og Öxarfjarðar“
Vandræði með vatn í Bolungarvík
Taldi betra fyrir drengina að deyja
Mikilvægt að tala um sjálfsvíg án þess að hvísla
Önnur aurskriða við Eyrarhlíð
Munu áfrýja beint til Hæstaréttar