Pence snýr baki við Trump
Setja bókamerki
Mike Pence, fyrrverandi varaforseti Donalds Trump, kveðst ekki ætla að styðja við framboð Trumps til forseta í komandi kosningum.
„Það ætti ekki að koma neinum á óvart að ég mun ekki veita Donald Trump stuðning minn í komandi kosningum,“ sagði Pence í viðtali við fréttaveituna Fox fyrr í kvöld.
Fjölmiðlar vestanhafs segja engu að síður að orð Pence komi á óvart, þar sem flestir framámenn í Repúblikanaflokknum hafi lýst yfir stuðningi sínum við Trump.
Pence sagði í viðtalinu að hann teldi að Trump boðaði nú stefnu, sem væri á skjön við þá íhaldsstefnu sem Trump og Pence hefðu unnið eftir á sínu kjörtímabili, og því gæti hann ekki með góðri samvisku veitt Trump stuðning sinn.
Vildu hengja Pence
Trump reyndi að þrýsta á Pence á sínum tíma til þess að viðurkenna ekki talningu kjörmanna í forsetakosningunum 2020, þar sem Trump laut í lægra haldi fyrir Joe Biden, núverandi Bandaríkjaforseta. Pence neitaði hins vegar að verða við því, og í kjölfarið skaut Trump föstum skotum á Pence á samfélagsmiðlum.
Ríkisstjórn Scholz sprungin
Segist hafa skráð nafn sitt á spjöld sögunnar
Víðtæk áhrif skattahækkana
Fleiri fjölmiðlar lýsa yfir sigri Trumps
Móðirin hlaut 18 ára dóm
Tekur ekki undir orð Ragnars Þórs og Ásthildar Lóu
„Við erum ákveðin og okkur verður ekki hvikað“