Ríki íslams að baki árásinni
Setja bókamerki
Ríki íslams hefur lýst yfir ábyrgð sinni á hryðjuverkunum í Moskvu, höfuðborg Rússlands, fyrr í kvöld.
Frá þessu greina hryðjuverkasamtökin á Telegram. Þar segir að árásamennirnir hafi „ráðist að stórri samkomu [...] í útjaðri rússnesku höfuðborgarinnar Moskvu“.
Þar segir einnig að árásarmennirnir hafi hörfað í bækistöðvar sínar heilir á húfi, að árásinni lokinni.
Að minnsta kosti 40 látnir
Hryðjuverkamenn klæddir felulitum hófu skothríð á tónleikum í Crocus City Hall-tónleikahöllin í Krasnogorsk, skammt frá Moskvu fyrr í kvöld.
Þeir köstuðu einnig handsprengju eða eldsprengju, að sögn blaðamanns RIA Novosti. Slökkvilið berst enn við eldinn.
Yfirvöld í Rússlandi segja að 40 manns hafi látið lífið í árásinni hið minnsta og 100 séu særðir. Þjóðvarðlið Rússlands leitar enn árásarmannanna.
Talsmaður Vladimírs Pútíns Rússlandsforseta segir að forsetinn sé stöðugt haldið upplýstum um málið.
Fréttin hefur verður uppfærð.
Hluti bílastæðis undir hraun: Ómögulegt að meta tjón
Litlar líkur á að hraunið nái til mannvirkja
Mjög alvarlegt ef Njarðvíkuræð gefur sig
/frimg/1/53/8/1530844.jpg)
Myndir: Náttúrulegur þröskuldur að taka við
Hraunið náð Njarðvíkuræð: Fylgjast með raflínu
Hraunið við bílastæði Bláa lónsins
„Erum í miðri hrinu“: Styttist í Eldvörp