Minnst 93 látnir – 11 handteknir
Setja bókamerki
Minnst 93 eru látnir og 140 særðir eftir hryðjuverkaárás Ríkis íslams á Crocus City-tónleikahöllina í útjaðri Moskvu í Rússlandi í gærkvöldi.
Yfirvöld í Rússlandi segjast hafa handtekið 11 manns í tengslum við árásina. Árásarmennirnir eru sagðir hafa haft tengiliði í Úkraínu og ætlað sér að flýja yfir landamæri Rússlands til Úkraínu.
Kveiktu í tónleikahöllinni
Rannsóknarnefnd á vegum rússneska ríkisins segir hryðjuverkamennina hafa nýtt sér einhvers konar brennanlegan vökva og kveikt í tónleikahöllinni.
Í kjölfarið hafi þeir hafið skothríð sem varð að minnsta kosti 93 manns að bana.
Handtóku ellefu manns
Yfirvöld í Rússlandi segja árásarmennina hafa haft tengiliði í Úkraínu og að í kjölfar hryðjuverkaárásarinnar hafi þeir ætlað sér að flýja yfir landamærin til Úkraínu.
Þá sögðu yfirvöld að búið væri að handtaka ellefu manns í tengslum við árásina, þar á meðal fjóra hryðjuverkamenn sem eru sagðir hafa framkvæmt hana.
Í yfirlýsingunni segir að búið sé að handtaka „alla fjóra hryðjuverkamennina,“ sem komu með beinum hætti að árásinni.
Nýtt fangelsi í landi Stóra-Hrauns tilbúið 2028
Hótar Bretum og Bandaríkjamönnum
Hraun kemur úr þremur gígum: Virknin stöðug
„Má segja að þetta gos hafi þjófstartað“
Rússar sagðir útvega N-Kóreu milljón olíutunnur