Rússneskur dómstóll hefur úrskurðað einn í áframhaldandi gæsluvarðhald vegna hryðjuverkaárásarinnar í Crocus City-tónleikahúsinu í Moskvu. Maðurinn er sá fyrsti sem var handtekinn í tengslum við málið.

Héraðsdómur Basmanny-héraðs úrskurðaði Dalerdjon Barotovich Mirzoyev, frá Tadsíkistan, í gæsluvarðhald þar til 22. maí á meðan á rannsókn málsins stendur, að því er dómstólasýslan í Moskvu tilkynnti á Telegram í kvöld.

Mirzoyev var leiddur fyrir dómara í kvöld. AFP

Mirzoyev er grunaður um að hafa framið hryðjuverkaárás í samverknaði við aðra og hefur játað sök í málinu.

137 létust þegar fjórir menn hófu skothríð í tónleikahúsinu Crocus City en 11 hafa verið handteknir vegna málsins.

Uppfært kl. 22.40:

Mennirnir fjórir hafa allir verið úrskurðaðir í gæsluvarðhald til 22. maí. Þeir gætu átt yfir höfði sér lífstíðarfangelsi. 

Einn þeirra grunuðu sem bíður dómsúrskurðar. AFP

Tengdar fréttir

Hryðjuverk í Crocus Сity í Rússlandi

Þrír handteknir í viðbót vegna hryðjuverkanna

• Fjórir í viðbót handteknir vegna hryðjuverkanna
• Annar handtekinn vegna hryðjuverkanna
• Fjöldi látinna kominn upp í 143
• Rússar kenna Úkraínu áfram um hryðjuverkin

» Fleiri tengdar fréttir

• Blogga um frétt