Ísraelsher ætlar að efna til rannsóknar á loftárásinni á Gasasvæðinu þegar sjö hjálparstarfsmenn voru drepnir.

Frétt af mbl.is

Sjö hjálparstarfsmenn drepnir í loftárás

„Við munum hefja frekari rannsókn á þessu alvarlega atviki. Hún mun hjálpa okkur við að draga úr hættunni á því að slíkur atburður gerist aftur,” sagði talsmaður hersins, Daniel Hagari.

Pedro Sanchez. AFP/John Thys

Pedro Sanchez, forsætisráðherra Spánar, hefur krafist útskýringar á árásinni.

„Þau dóu við að gera það sem hjálparsamtök hafa verið að gera í áraraðir, sem er að útvega fólki mat í miðri eyðileggingu,” sagði Sanchez er hann heimsótti flóttamannabúðir Palestínumanna í Jórdaníu.

„Ég reikna með því og krefst þess að ísraelsk stjórnvöld varpi ljósi sem allra fyrst á kringumstæðurnar í tengslum við þessa grimmilegu árás sem hefur leitt til dauða sjö hjálparstarfsmanna sem voru ekkert annað að gera en að hjálpa til,” bætti hann við.

Tengdar fréttir

Ísrael/Palestína

Þungt hugsi yfir ofbeldinu

• Konur og börn „næstum 70%“ látinna á Gasa
• Tvær árásir á ísraelska herstöð á sólarhring
• Fordæma árásir á ísraelska áhangendur
• Gera þarf grein fyrir reiðufé

» Fleiri tengdar fréttir

• Blogga um frétt