Góðgerðasamtök sem eru með bækistöðvar í Bandaríkjunum ætla að gera hlé á aðstoð sinni á Gasasvæðinu eftir að sjö af starfsmönnum þeirra voru drepnir í loftárás Ísraelshers.

Starfsmenn samtakanna, sem nefnast World Central Kitchen, höfðu nýlokið við að afferma tvo bíla með hjálpargögnum frá Kýpur fyrir Gasasvæðið þegar árás var gerð á þá.

Einn af bílunum sem varð fyrir árásinni. AFP

Þeir sem létust voru frá Ástralíu, Póllandi, Bretlandi og Palestínu, auk þess sem einn var með bandarískan og kanadískan ríkisborgararétt.

Í tilkynningu frá World Central Kitchen kemur fram að hjálparstarfsmennirnir hafi verið á ferðinni í bílalest sem samanstóð af tveimur brynvörðum bílum merktum lógói samtakanna, WCK, og annarri bifreið þegar árásin var gerð.

AFP

„Þrátt fyrir samráð við Ísraelsher var skotið á bílalestina þegar hún var að yfirgefa vöruhúsið Deir al-Balah þar sem hópurinn hafði affermt yfir 100 tonn af matarbirgðum sem voru fluttar sjóleiðis á Gasasvæðið,” sagði í yfirlýsingunni.

AFP

AFP

Tengdar fréttir

Ísrael/Palestína

Drápu fimm sem földu sig í bænahúsi

• Tilkynna refsiaðgerðir gegn öfgasinnum
• Tíu Palestínumenn drepnir á Vesturbakkanum
• Bedúína bjargað úr haldi Hamas
• Mikið högg fyrir mannúðarstarf á svæðinu

» Fleiri tengdar fréttir

• Blogga um frétt