Xi Jinping, forseti Kína, og Joe Biden Bandaríkjaforseti ræddu saman símleiðis í dag, að sögn kínverska ríkissjónvarpsins.

Samskipti Bandaríkjanna og Kína hafa verið spennuþrungin síðustu ár, einkum í tengslum við sjálfstæði Taívan.

Aftur á móti hafa stjórnvöld hvor sínu megin við Kyrrahaf reynt upp á síðkastið að lægja öldurnar í stormasömu sambandi stórveldanna tveggja.

Frétt af mbl.is

Xi sagði Biden að hann myndi taka yfir Taívan

Blinken og Yellen á leið til Kína

„Þjóðarleiðtogarnir tveir áttu í opinskáum og ítarlegum skoðanaskiptum um samband Kína og Bandaríkjanna og mál sem varða báðar hliðar,“ segir í frétt CCTV.

Er þetta í fyrsta sinn frá því í nóvember sem Xi og Biden ræða saman en þá funduðu þeir í persónu í San Francisco.

Bandarískur ráðamaður sagði einnig fjölmiðlum í dag að Antony Blinken, utanríkisráðherra Bandaríkjanna, og Janet Yellen, fjár­málaráðherra Bandaríkjanna, myndu heimsækja Kína á komandi vikum.

Tengdar fréttir

Taívan og Kína

Taívan í viðbragðsstöðu vegna Kína

• Kínverjar saka Þjóðverja um að ýta undir óstöðugleika
• Innleiða dauðarefsingu fyrir að styðja Taívan
• Frekari ögrun leiðir til hertra aðgerða
• Forseti Taívans: Frelsi og lýðræði í fyrirrúmi

» Fleiri tengdar fréttir

• Blogga um frétt