Flaggað í hálfa stöng í Finnlandi
Setja bókamerki
Flaggað verður í hálfa stöng í Finnlandi í dag eftir að 12 ára drengur hóf skothríð í grunnskóla í gær með þeim afleiðingum að einn skólafélagi hans dó og tveir til viðbótar særðust.
Við allar opinberar byggingar og stofnanir verður flaggað í hálfa stöng, að sögn finnska innanríkisráðuneytisins. Hvatti það jafnframt alla þjóðina til að gera slíkt hið sama.
Að sögn finnsku sjónvarpsstöðvarinnar MTV Uutiset var drengurinn með grímu fyrir andlitinu og heyrnartól á höfðinu sem lokuðu fyrir utanaðkomandi hávaða þegar hann gerði árásina.
Þegar lögreglan kom á vettvang hafði drengurinn lagt á flótta. Innan klukkustundar var hann handtekinn og viðurkenndi hann við yfirheyrslur að hafa framið verknaðinn. Enginn annar er grunaður um aðild að árásinni, að sögn lögreglunnar.
Kílómetragjald: „Mikilvægt að málið verði klárað fyrir þinglok“
Kvikusöfnun 80% af því sem var fyrir síðasta gos
Þungt hugsi yfir ofbeldinu
Erfiðara mun reynast að verja Svartsengi
Endurskoða starfsleyfi bálstofu kirkjugarðanna
Skúli sýknaður en 780 milljóna greiðslum rift
Engin læknisþjónusta á heilsugæslunni í verkfalli