Sjö látnir og yfir 700 slasaðir í Taívan

Að minnsta kosti sjö eru látnir og yfir 700 slasaðir eftir jarðskjálftann sem reið yfir Taívan um eittleytið í nótt.

Tugir bygginga skemmdust og var flóðbylgjuviðvörun gefin út bæði í Taívan, Japan og á Filippseyjum áður en hún var síðar dregin til baka.

Embættismenn segja skjálftann þann öflugasta í áratugi og vara við fleiri skjálftum í kjölfarið.

„Jarðskjálftinn er nálægt landi og grunnur. Hann hefur fundist víðsvegar um Taívan og á eyjum í nágrenninu,” sagði Wu Chien-fu, forstöðumaður jarðskjálftamiðstöðvar Taívans.